यमनमा भोकमरी झनझन बढ्दै गएको छ । १६ महिनादेखिको द्वन्द्वका कारण एक करोड ४० लाख भन्दा धेरै मानिस भोकमरीको चपेटामा परेको संयुक्त राष्ट्रसंघले जनाएको छ ।
यमनमा सन् २०१५ को मार्चदेखि शुरु भएको द्वन्द्वका कारण ९ हजार भन्दा धेरै मानिसको ज्यान गएको छ भने २८ लाख मानिस विस्थापित भएका छन् ।
यमनमा साउदी अरेबियाले बिद्रोहीविरुद्ध हवाई आक्रमण गर्दै आएको छ । पाँच बर्षमुनिका झण्डै पाँच लाख बालबालिका कुपोषणको चपेटामा परेका छन् । तीन लाख ७० हजार भन्दा धेरै बालबालिमा गम्भीर कुपोषण छ । 
कुपोषणको मारमा परेका बालबालिको तौल निकै कम छ भने उनीहरुको शरीरमा छाला र हड्डी मात्रै रहेको जस्तो देखिन्छ । 
धेरै बालबालकाको शरीरमा कंकाल मात्रै बाँकी रहेको जस्तो देखिन्छ । समाचार संस्था रोयटर्सले विभिन्न समयमा खिचेका कुपोषणले ग्रस्त बालबालिकाको तस्बिरमा यमनको डरलाग्दो कथा प्रस्तुत गरेको छ । 
0 comments:
Post a Comment