आफ्नो घरलाई सुन्दर बनाउने रहर सबैलाई हुन्छ । चिटिक्क परेको घर अनि त्यै अनुसारको रंगरोगन गर्ने चाहना सबैमा हुन्छ । वास्तुशास्त्रका अनुसार घरमा सजाईने फोटोले परिवारका सदस्यहरुमा मानसिक असर पनि पार्दछ । त्यसैले घरमा टाँगिने फोटोका कारण काममा उर्जा आउने वा नआउने पनि हुन्छ । घरमा राखिने फोटो, तस्विर वा पेन्टिङले पनि सकारात्मक वा नकारात्मक छाप पार्ने वास्तुशास्त्रमा उल्लेख गरिएको छ । घरमा कस्ता तस्विर राख्न हुन्नँ, केहि तल उल्लेख गरिएको छ ।
डगमगाउँदै गरेको र डुबेको डुंगा
घरको सुन्दरता बढाउनकै लागि घरमा राम्रा राम्रा तस्विर लगाउने गरिन्छ । तर सुन्दर भनेर तस्विर राख्दा त्यसले मानसिक असर पनि पार्न सक्छ । डगमगाउँदै गरेको वा डुबेको डुंगा राख्दा परिवारका सदस्यको काम तथा मानसिक रुपमा असर पार्ने वास्तुशास्त्रमा उल्लेख छ । यसले नकारात्मक उर्जा समेत बढाउँछ । यस्तो तस्विरले भाग्य सम्बन्धी बाधा बढाउन तथा परिवारमा तनाव उत्पन्न गराउन भूमिका खेलेको हुन्छ ।
महाभारतको युद्ध
महभारतको युद्धको तस्विर पनि घरमा लगाउन नहुने वास्तुमा उल्लेख छ । कुनै पनि प्रकारको युद्धका तस्विरहरुले सोचलाई आक्रामक बनाउँछ । दैनिक युद्धको तस्विर हेर्ने हो भने उसमा रिसाहापन बढ्न जान्छ । घर परिवारमा विवाद हुने सम्भावना पनि बढ्छ । महाभारतको युद्ध पारिवारिक तनावका कारण भएकाले पनि यस प्रकारको तस्विरबाट बच्नु पर्ने वास्तुमा बताईएको छ । साधारणतया पानीको फोटो सुन्दर र आकर्षक देखिन्छ । यसैकारण हामी प्रायको घरमा यस्ता फोटोहरु देख्न सक्छौं । तर यस्तो फोटो पनि घरमा सजाउनु उपयुक्त मानिँदैन । वास्तुशास्त्र भन्दछ, कि जसरी पानी बग्दछ, त्यसरी नै हाम्रो पैसा र व्यर्थको काममा समय व्यतित हुन्छ । यसैले यस प्रकारको फोटो पनि घरमा राख्नु शुभ मानिँदैन ।
हिंस्रक जनावर
जव हिंस्रक जनावरको फोटो दिनदिनै देखिन्छ, मानिसको स्वभाव पनि उग्र हुँदै जान्छ । जसका कारण घरमा क्लेश तथा अशान्ति बढ्दै जान्छ ।
कस्तो फोटो लगाउने घरमा ?
आफ्नो घर सबैलाई सुन्दर लाग्छ । अझ जिन्दगीमा एकपटक बनाइने भन्दै घरलाई साह्रै मेहेनतका साथ बनाईन्छ । तर दुःख गरेर बनाइएको घरमा सुख र शान्ति प्राप्त भैरहोस् भन्ने सबैमा चाहना हुन्छ । त्यसैले वास्तु मिलेन भने पनि घर भनेजस्तो रहँदैन । वास्तुले घरमा टाँगिने फोटो सकारात्मक हुनु पर्ने तथा मन प्रशन्न हुने खालका फोटो राख्न सुझाएको छ । ताकी ती फोटोहरु हेर्दा मनमा सकारात्मक सोचको विकास होस् ।
0 comments:
Post a Comment