नुवाकोटः भीषण वर्षात्सँगै माथिवाट आएको पहिरोले भूकम्पपीडितको टहरो पुरिँदा नुवाकोटको पश्चिमी भेगमा वुङताङ गाविसमा एकैघरका नाबालक दाजुभाइको घटनास्थलमै मृत्यु भएको छ । सोही पहिरोले पुरिँदा एक बालिका घाइते भएकी छिन् ।
सदरमुकाम विदुरदेखि ३० किलोमिर पशिचममा रहेको दुर्गम बुङताङ गाविस–४ डोटाटोलमा रहेको मेघवहादुर घलेको टहरो बुधबार विहान पहिरोले पुर्दा उनका दुई छोराहरुको निधन गएको जिल्ला प्रहरी कार्यालय नुवाकोटले जनाएको छ ।
मृत्यु भएकाहरुमा ५ वर्षीय आशिष तामाङ र उनका दाजु १२ वर्षीय आइतराम तामाङ रहेका जिल्ला प्रहरी प्रवक्ता तथा प्रहरी नायव उपरीक्षक ऋषिराम कणेलले जानकारी दिए । उनीहरुको घटनास्थलमै मृत्यु भएको र घटनामा ८ वर्षीया विमला तामाङ घाइते भएकी छिन् ।
उनको स्थानीय स्वास्थ्य संस्थामा उपचार भइरहेको छ । मेघबहादुर तामाङको टहरोलाई विहान आठ बजे माथिवाट खसेको पहिरोले पुर्दा उनका दुई छोरोको मृत्यु भएको हो भने छोरी घाइते भएकी हुन् ।
पहिरोमा परेर एउटा भँैसी र ५ बाख्रासमेत मरेका छन् । भूकम्पले घर भत्किएपछि एकनाले जस्ताको टहरो घरमा बस्दै आएको तामाङको टहरोमाथि रहेको ढिस्को खसेर पुरेको जिल्ला प्रहरी कार्यालयका प्रहरी नायव उपरीक्षक ऋषिराम कडेलले जानकारी दिए ।
0 comments:
Post a Comment